Gazteak (Zeinena da etorkizuna?)

ZuZeuko Bipareta saioa Amaia Chocarrorekin…

Gazteok “kristalezko belaunaldia” omen gara, edozein zailtasunaren aurrean apurtu egiten garen belaunaldia, ezer jasateko gaitasunik gabekoak. Baina, etorkizuna ere bagara, eta gure esku dago mundu honen noranzkoa. Ardura guztia jarri nahi digute gainean, inork gugan konfiantza ez duen bitartean; inork gu entzuten ez gaituen bitartean. Ezinezkoa zaigu etorkizun batean pentsatu, orain jasan ezin batean bizi garen bitartean. Oso zaila da oraina deseraikitzen saiatzea, sistemak itotzen gaituen bitartean, honek guztiak gure osasunean eragiten digun bitartean. Gurea da etorkizuna, eta gure erara sortu nahi dugu, baina agian ezin dugu guk bakarrik egin. Gaurko atalean, gazteok dugun egoera salatuko dugu, baina batez ere, gure bizitzaren ikuspegiari tokia eman, eta gure osasunean duen eragina aztertu. Plazer bat izan da Olatz Berastegi eta Laura Ré gurekin izatea.